Rooba
/
rich
mirror of https://github.com/Textualize/rich.git
1
1
Fork 0
Code Issues Packages Projects Releases Wiki Activity
rich/README.de-ch.md

18 KiB
Raw Blame History

Downloads PyPI version codecov Rich blog Twitter Follow

Logo

English readme • 中文 readme • Lengua española readme • Deutsche readme • Läs på svenska • 日本語 readme • 한국어 readme • Français readme • Schwizerdütsch readme • हिन्दी readme • Português brasileiro readme • Italian readme • Русский readme

Rich isch ä Python Library för rich Text ond ganz schöni formatiärig im Törminäl

D Rich API machts ganz eifach zom Farbä ond Stiil zu de Törminälusgob hinzu z füäge. Rich cha au schöni Tabelle, Progressbare, Markdown, Syntax hervorhebe, Tracebäcks und meh darstelle — fix fertig usem Böxli.

Features

E Video Iifüärig öber Rich geds onder calmcode.io vo @fishnets88.

Lueg was anderi öber Rich säged.

Kompatibilität

Rich funktioniert mit Linux, OSX ond Windows. True color / emoji funktioniert mit em neue Windows Törminäl, s klassische Törminäl isch of 16 Farbe limitiärt. Rich brucht Python 3.6.1 oder neuer.

Rich funktioniert mit Jupyter notebooks ohni irgendwelchä zuäsätzloche konfiguration.

Installation

Installation mit pip oder mit dim liäblings PyPI Päckli-Manager.

python -m pip install rich

Für das do us zum d Rich usgob im Törminäl z teste:

python -m rich

Rich Print

Zom ohni Ufwand Rich Usgob zu dinnere Applikation hinzuäfüäge, chasch eifach d rich print Methodä importiäre, weli di glich Signatuur hed wiä d Builtin Python Funktion. Versuech das:

from rich import print

print("Hello, [bold magenta]World[/bold magenta]!", ":vampire:", locals())

Hello World

Rich REPL

Rich cha i de Python REPL installiert werde so dass irgend e Datestruktuur hübsch usgeh ond Highlighted wird.

>>> from rich import pretty
>>> pretty.install()

REPL

Console bruchä

Für meh kontrolle öber de Törminäl inhalt, importiär und instanziär e Console Objekt.

from rich.console import Console

console = Console()

S Console Objekt hät e print Methode mitäre absichtloch gliche Schnittstell wiä d Builtin print Funktion. Do es Bispiil wiä mos brucht:

console.print("Hello", "World!")

Wiä erwartet wird "Hello World!" im Törminäl usgeh. Beach das im gägesatz zu de Builtin print Funktion, Rich de text so ombricht das es id Törminäl breiti ine passt.

Es ged es paar Wäg zom Farb und Stiil zu de Usgob hinzuä z füäge. Me cha en stiil a de ganze Usgob zuäwiise i dem mo s Schlösselwortargument style verwendet. Do es Bispiil:

console.print("Hello", "World!", style="bold red")

D Usgob gsiät öppe ä so us:

Hello World

Da isch guät für d Gstalltig vom Text pro Liniä. Vör ä granularäri Gstalltig hed Rich e spezielli Markup mitäre ähnloche Befehlsufbau wiä bbcode. Do es Bispiil:

console.print("Where there is a [bold cyan]Will[/bold cyan] there [u]is[/u] a [i]way[/i].")

Console Markup

Du chasch mitmäne Console Objekt mit wenig Ufwand aasprechendi Usgob erziile. Lueg do d Console API Dokumentation für d Details a.

Rich Inspect

Rich hät e inspect Funktion wo cha Bricht öber jeglochi Python Objekt, wie Class, Instanz oder Builtin erstelle.

>>> my_list = ["foo", "bar"]
>>> from rich import inspect
>>> inspect(my_list, methods=True)

Log

Lueg do d inspect Dokumentation für d Details a.

Rich-Bibliothek

Rich häd ä Aazahl vo integriäte renderables wo du chasch verwende zum eleganti Usgobe i dinner e CLI generiäre ond der hälfed bim debugge vo dim Code.

Drock of di folgende Öberschrifte für d Details:

Log

S Console Objekt hät e log() Methode wo verglichbar zu de print() Schnittstell isch aber zuäsätzloch no e Spaltä för di aktuäll Zitt und d Datai mit de Zille wo de Ufruäf macht us git. Standardmässig tuät Rich es Syntax Highlighting für Python Strukturä sowiä repr Text machä. Went e Collection (wiä zum Bispiil dict oder list) loggsch wird Rich das hübsch Usgeh so dass es i de verfüägbari Platz ine passt. Do es Bispiil für e paar vo dene Funktionä.

from rich.console import Console
console = Console()

test_data = [
    {"jsonrpc": "2.0", "method": "sum", "params": [None, 1, 2, 4, False, True], "id": "1",},
    {"jsonrpc": "2.0", "method": "notify_hello", "params": [7]},
    {"jsonrpc": "2.0", "method": "subtract", "params": [42, 23], "id": "2"},
]

def test_log():
    enabled = False
    context = {
        "foo": "bar",
    }
    movies = ["Deadpool", "Rise of the Skywalker"]
    console.log("Hello from", console, "!")
    console.log(test_data, log_locals=True)


test_log()

Das do obe gid di folgend Usgob:

Log

Beachte s Argument log_locals wo innere Tabelle di lokalä Variable us gid zur Zitt wo d Methodä ufgruäfä worde isch.

D log Methodä cha zum is Törminäl inne z Logge für langläbige Applikationä wie Server brucht werde isch aber au fürs Debuggä ganz e netti Hilf.

Logging Handler

Du chasch au d Builtin Handler Class verwende zum d Usgob vom Python logging Module z formatiäre und iifärbe. Do es Bispiil vo de Usgob:

Logging

Emoji

Zom e Emoji i de Konsoleusgob iizfüäge tuä de name züschet zwei Doppelpünkt. Do es Bispiil:

>>> console.print(":smiley: :vampire: :pile_of_poo: :thumbs_up: :raccoon:")
😃 🧛 💩 👍 🦝

Bitte verwend diä Funktion gschiid.

Tabelle

Rich cha flexiibäl Tabelle mit Boxä us Unicodezeiche generiäre. Es gid e Viilzahl vo Formatiärigsoptionä für Ränder, Stiil, Zelleusrichtig ond so witter.

table movie

D Animation obe isch mit table_movie.py us em Bispiil-Ordner erstellt worde.

Do es eifachs Tabelle-Bispiil:

from rich.console import Console
from rich.table import Table

console = Console()

table = Table(show_header=True, header_style="bold magenta")
table.add_column("Date", style="dim", width=12)
table.add_column("Title")
table.add_column("Production Budget", justify="right")
table.add_column("Box Office", justify="right")
table.add_row(
    "Dec 20, 2019", "Star Wars: The Rise of Skywalker", "$275,000,000", "$375,126,118"
)
table.add_row(
    "May 25, 2018",
    "[red]Solo[/red]: A Star Wars Story",
    "$275,000,000",
    "$393,151,347",
)
table.add_row(
    "Dec 15, 2017",
    "Star Wars Ep. VIII: The Last Jedi",
    "$262,000,000",
    "[bold]$1,332,539,889[/bold]",
)

console.print(table)

Das gid di folgend Usgob:

table

Beacht das d Konsole Markup glich wie bi print() ond log() generiärt wird. Ond zwor cha alles wo vo Rich generiert werde cha au im Chopf / Zille iigfüägt werde (sogar anderi Tabellene).

D Klass Table isch gschiid gnuäg yum d Spaltebreite am verfüägbare Platz im Törminäl aazpasse und de Text gegäbenefalls umzbreche. Do isch s gliche Bispiil mit em Törminäl chlinner als d Tabelle vo obe:

table2

Progress Bars

Rich cha meereri flackerfreii Progress Bars darstelle zum langläbigi Tasks verfolgä.

Zur eifache Benutzig irgend e Sequenz id track Funktion ine packe und über s Resultat iteriäre. Do es Bispiil:

from rich.progress import track

for step in track(range(100)):
    do_step(step)

Es isch nöd vill schwiriger zum mehräri Progress Bars hinzuä zfüäge. Do es Bispiil us de Doku:

progress

D Spaltä cha so konfiguriärt werde das alli gwünschte Details aazeigt werded. D Built-in Spalte beinhaltät Prozentsatz, Dateigrössi, Dateigschwindikeit ond öbrigi Zitt. Do isch e andos Bispiil wo en laufände Download zeigt:

progress

Zums selber usprobiäre lueg examples/downloader.py a, wo cha glichzittig mehräri URLs abelade und de Fortschritt aazeige.

Status

För Situatione wos schwär isch zum de Fortschritt z berechne, chasch d status Methode verwende wo en 'spinner' animiärt und e Nochricht darstellt. D Animation haltet di nöd ab d Konsole witter normal z bruche. Do es Bispiil:

from time import sleep
from rich.console import Console

console = Console()
tasks = [f"task {n}" for n in range(1, 11)]

with console.status("[bold green]Working on tasks...") as status:
    while tasks:
        task = tasks.pop(0)
        sleep(1)
        console.log(f"{task} complete")

Das gid di folgendi Usgob im Törminäl.

status

D Spinner Animatione sind vo cli-spinners usglehnt. Du chasch en speziifischä Spinner mit em spinner Parameter uswähle. Start de folgend Befehl zom die verfüägbare Wert z gsiä:

python -m rich.spinner

De Befehl obe generiärt di folgändi Usgob im Törminäl:

spinners

Tree

Rich cha en tree mit Hilfsliniä generiäre. En Tree isch ideal zom darstelle vo Dateistruktuure oder anderi hirarchischi Date.

S Label vom Tree cha en eifache Text or alles andere wo Rich cha rendere. Start das Folgendi für e Demonstation:

python -m rich.tree

Das generiärt di folgend Usgob:

markdown

Lueg s Bispiil Script tree.py für e Darstellig vo irgend eim Ordner als Tree, glich wie de Linux Befehl tree.

Spaltene

Rich cha Inhalt i hübsche Spaltene darstelle mit glichä oder optimale Breiti. Do isch e ganz eifachi kopii vom (MacOS / Linux) ls Befehl wo Ordner in Spaltene darstellt

import os
import sys

from rich import print
from rich.columns import Columns

directory = os.listdir(sys.argv[1])
print(Columns(directory))

De folgend Screenshot isch d Usgob vom Spalte-Bispiil, wo Date vonnere API hollt ond in Spaltene darstellt:

columns

Markdown

Rich cha markdown übersetze ond leistet vernünftigi Ärbät bim formatiärige is Törminäl z übersetze.

Zum Markdown z übersetze importier d Klass Markdown und instanzier es mitem Markdown Text. Nocher gid mos uf de Konsolä us. Do es Bispiil:

from rich.console import Console
from rich.markdown import Markdown

console = Console()
with open("README.md") as readme:
    markdown = Markdown(readme.read())
console.print(markdown)

Das wird d Usgob ungefär wie s Folgende geh:

markdown

Syntax Highlighting

Rich brucht d pygments Library für d Syntax Highlighting. S Bruche isch ähnloch zum Markdown übersetze; instanziär e Syntax Objekt ond gibs uf de Konsolä us. Do es Bispiil:

from rich.console import Console
from rich.syntax import Syntax

my_code = '''
def iter_first_last(values: Iterable[T]) -> Iterable[Tuple[bool, bool, T]]:
    """Iterate and generate a tuple with a flag for first and last value."""
    iter_values = iter(values)
    try:
        previous_value = next(iter_values)
    except StopIteration:
        return
    first = True
    for value in iter_values:
        yield first, False, previous_value
        first = False
        previous_value = value
    yield first, True, previous_value
'''
syntax = Syntax(my_code, "python", theme="monokai", line_numbers=True)
console = Console()
console.print(syntax)

Das wird d Usgob ungefär wie s Folgende geh:

syntax

Tracebacks

Rich cha wunderschöni Tracebacks generiäre wo eifach zum läse sind und meh Code als de Standard-Python-Traceback darstellt. Du chasch Rich als default Traceback Handler setzä ond alli nöd abfangene Exceptions werded mit Rich dargstellt.

So gsiets ungefär ufemen OSX (ähnloch uf Linux) us:

traceback

Alli Rich Renderables bruched s Console-Protokoll, wo mo au für d eige Entwicklig vo Rich-Inhalt cha bruche.

Rich für Ondernemä

Verfüägbar als Tidelift Abo.

De Betreue vo Rich ond tuusigi anderi Päkli schaffed mit Tidelift zum komerziälle Support und Wartig für Open Source Päkli wo du zum Baue vo dinnere Applikation bruchsch. Spar Zit, reduziär s Risiko ond verbessere d Code Health mit em bezahle vo de Wartig für gnau die Päkli wo mo brucht. Lärn meh.

Projekt wo Rich bruched

Do es paar Projekt wo Rich verwended: